Г.Оюунгэрэл Монгол хатны хувцас өмсөж, марафонд оролцож ДЭЛХИЙН ДЭЭД АМЖИЛТ тогтоожээ

Монгол бүсгүй Г.Оюунгэрэл үндэсний хувцас өмсөж, 42 км-ийн марафонд оролцжээ. Тодруулбал, өнөөдөр Канад улсын Торонто хотын “TCS Toronto Waterfront” марафонд Монгол үндэснийхээ өв соёлыг сурталчлан таниулах, түүх ёс заншлаа дээдлэн бахархах зорилгоор Монгол үндэсний өв соёл 13-р зууны Монгол хатны Богтаг малгайг Монгол дээл, уужын хамт өмсөж, бүтэн марафон буюу 42.195 км зайд амжилттай гүйж энэ хувцасны ангилал буюу категоридоо Дэлхийн Гиннесийн амжилтыг 3:40:28 секунтээр тогтоолоо.